2024 පැරිස් ඔලිම්පික් උළෙලේ පිරිමි මීටර 400 ඉසව්වේ අවසන් පූර්ව වටයේ අද (06) පැවැත්වෙන තරගයට අරුණ දර්ශන එක්වෙනවා.
එම තරගය ශ්‍රී ලංකා වේලාවෙන් අද රාත්‍රි 11.05ට පැවැත්වීමට නියමිතව ඇති බවයි වාර්තා වන්නේ.
මූලික වටයේ තරඟ 06කින් සමන්විත වූ මෙම තරඟ ඉසව්වේ 05වැනි මූලික තරඟයට සහභාගී වූ අරුණ එහිදී තත්පර 44.99කින් තරඟය අවසන් කර තෙවැනි ස්ථානය දිනා ගත්තා.
1948දී ලන්ඩන් ඔලිම්පික් උලෙළේදී ඩන්කන් වයිට් හා 2000 සිඩ්නි ඔලිම්පික් උලෙළේදී සුසන්තිකා ජයසිංහ පදක්කම් දිනා ශ්‍රී ලංකාවට කීර්තිය ගෙනදුන් පසු අරුණ දර්ශන අවසන් පූර්ව වටය දක්වා පැමිණි ශ්‍රී ලංකාවේ එකම ක්‍රීඩකයා බවට පත්ව තිබෙනවා.
