පානදුර පින්වත්ත ප්‍රදේශයේ පැවැති සාදයකදී ඇතිවූ කතාබහක් දුරදිග යාමෙන් මන්නයකින් මිතුරාගේ පාදය වෙන්වෙන්න කපාදැමූ බව කියන පුද්ගලයෙකු අත්අඩංගුවට ගත්බව පින්වත්ත පොලිසිය පවසයි.
එලෙස පාදයේ කපාදැමූ කොටස අද (08) උදැසන වන විටත් සොයාගැනීමට නොහැකිවූ බවත් සිද්ධිය සම්බන්ධයෙන් පානදුර, පින්වත්ත ප්‍රදේශයේ පදිංචි 42 හැවිරිදි පුද්ගලයෙකු අත්අඩංගුවට ගත් බවත් පොලිසිය පැවසීය.
තුවාලකරු සහ සැකකරු පින්වත්ත දුම්රිය මාර්ගය ආසන්නයේ මත්පැන් පානය කරමින් සිට ඇති බවත් ඇතිවූ කතාබහක් දුරදිග යාමෙන් මන්නයකින් පාදයට සහ උරහිසට පහරදී ඇති බවටත් මෙතෙක් කල පරීක්ෂණ වලදී හෙලිව ඇති බව පොලිසිය පැවසීය.
පහරදීම සිදුකිරීමෙන් පසු සැකකරු අත්අඩංගුවට ගෙන පහරදීමට යොදාගත් බව කියන මන්නා පිහියද පොලිස් භාරයට ගෙන ඇත.
තුවාලකරු පානදුර මූලික රෝහලට ඇතුලත් කිරීමෙන් පසු කොළඹ ජාතික රෝහලට මාරුකර යැවූ බව රෝහල් ප්‍රකාශකයෙක් පැවසීය.
