බෝඩර් – ගවස්කාර් ටෙස්ට් තරගාවලියේ තෙවැනි තරගයෙන් ඕස්ටේ්‍රලියාව කඩුලු 6ක ජයක් හිමිකර ගැනීමෙන් පසු ලෝක ටෙස්ට් ශූරතා තරගාවලියේ අවසන් තරගයේදී දකුණු අප්‍රිකාව සමග තරග වැදීමට ඕස්ටේ්‍රලියාව සුදුසුකම් ලබා තිබේ.
ජාත්‍යන්තර ක්‍රිකට් කවුන්සලය ඒ බව නිල වශයෙන් නිවේදනය කර තිබේ.
ඒ අනුව 2025 ලෝක ටෙස්ට් තරගාවලියේ අවසන් තරගය එංගලන්තයේ ලෝඩ්ස්හිදී පැවැත්වෙන අතර ශ්‍රී ලංකාවේ අවසන් බලාපොරොත්තුව ද ඒ අනුව බිඳී ගියේය.
ඕස්ටේ්‍රලියාව ඉන්දියාව සමග පැවැති ටෙස්ට් තරගාවලිය 3-1ක් ලෙස ඕස්ටේ්‍රලියානු කණ්ඩායමට ජය හිමි විය. ඒ අනුව ලෝක ටෙස්ට් ශූරතා තරගාවලියේ අවසන් තරගය සඳහා සුදුසුකම් ලැබූ පළමු කණ්ඩායම වූයේ දකුණු අප්‍රිකාවයි.
ලෝක ටෙස්ට් ශූරතා තරගාවලියේ ඉන්දියාව තුන්වැනි තැනට පත්වී සිටින අතර නවසීලන්තය සිව්වැනි ස්ථානයේ පසුවෙයි. ශ්‍රී ලංකාවට හිමිව ඇත්තේ පස්වැනි තැනය.
ශ්‍රී ලංකාව මේ වනවිට තරග 11කට සහභාගි වී ඇති අතර ඉන් තරග 5ක් ජයගෙන තරග 6ක් පරාජය වී තිබේ. ශ්‍රී ලංකාවේ ප්‍රසාද ලකුණු 60ක් සටහන් වන අතර ලකුණු සාමාන්‍ය 45.45කි. එංගලන්තය, බංග්ලාදේශය, පාකිස්තානය සහ බටහිර ඉන්දීය කොදෙව් කණ්ඩායම් පිළිවෙළින් 6,7,8,9 ස්ථානවල පසුවෙයි.
ලෝක ටෙස්ට් ශූරතාවලිය වසර දෙකකට වරක් පැවැත්වෙන අතර මෙම ශූරතාව 2023 ජුනි මාසයේ ආරම්භ වූ අතර 2025 ජුනි මාසයේ අවසන් තරගයත් සමග නිමාවනු ඇත.
