ස්වාධීන අපේක්ෂක ජනාධිපති රනිල් වික්‍රමසිංහ මහතාගේ ජය තහවුරු කිරීම වෙනුවෙන් ක්‍රියාවට නංවනු ලබන “රනිල්ව කියවන්න” නම් වූ ප්‍රචාරක වැඩසටහන අද දින දීප ව්‍යාප්තව ආරම්භ කරනු ලැබුවා.
පුලුවන් ශ්‍රී ලංකා විසින් මෙය සංවිධාන කරනු ලබන අතර එහි ප්‍රධාන වැඩසටහන අද දින ගාලුමුවොදොර පිටිය අසලින් නව සන්ධානය විසින් ආරම්භ කරනු ලැබුවා. මෙම අවස්ථාව සදහා පාර්ලිමේන්තු මන්ත්‍රී නිමල් ලංසා නව ජනතා පෙරමුනේ නායක සුගීශ්වර බන්ඩාර මහතා ඇතුලු පිරිසක් සහභාගී වී සිටියාය.
පළාත් 9ක්, ආසන 160ක්, පළාත් ආයතන 341ක්, කොට්ඨාස 4984ක්, වසම් 14026ක් සහ ගම් වීදි 53896ක් ආවරණය කරමින් සිදු කෙරෙන මෙම වැඩසටහනේ අපේක්ෂිත අරමුණ වන්නේ රනිල් වික්‍රමසිංහ නම් චරිතය දේශපාලනික, සමාජයීය හා සංස්කෘතික වශයෙන් කියවා ගැනීමට ජනතාවට අවස්ථාව සලසා දීමයි.
ජනාධිපති රනිල් වික්‍රමසිංහ මහතාගේ ඉදිරි ජනාධිපතිවරණය සඳහා වූ “පුළුවන් ශ්‍රී ලංකා” ප්‍රතිපත්ති ප්‍රකාශනයේ හරය ඇතුළත් පත්‍රිකා බෙදා හැරීම සහ ජනතාව දැනුවත් කිරීමේ වැඩසටහන් මේ යටතේ සංවිධානය කෙරේ.
නැවත පෝලිම් යුගයකට මුහුණ දීමට සිදු නොවන ආර්ථික ස්ථාවරත්වයක් ඇති රටක සුබවාදී හෙටක් වෙනුවෙන් ජනතාවගේ අපේක්ෂා හා බලාපොරොත්තු එක්රැස් කරමින් පැවැත්වෙන මම ප්‍රචාරක වැඩසටහන සමඟ එක්වන ලෙස සියලු පාර්ශ්වයන්ට ආරාධනා කරන බව සංවිධායකින් පවසා ඇත.
