ශ්‍රී ලංකා – යේමන සුහද පාපන්දු තරගයේදී ගෝල් 1-0ක ජයක් ශ්‍රී ලංකා පිල අත්කර ගත්තේය. දෝහා කටාර් අල්-කෝර් ක්‍රීඩාංගණයේදී පෙරේදා පැවති තරගයේ 89 වැනි මිනිත්තුවේදී ජැක් හින්ගර්ට් විසින් එල්ල කළ ගෝලය හේතුවෙන් ශ්‍රේණිගත කිරීම්වල 154 වැනි ස්ථානයේ පසුවූ යේමන පිල ලෝක ශ්‍රේණිගත කිරීමේ 203 වැනි ස්ථානයේ සිටින ශ්‍රී ලංකා පිල හමුවේ පසුබැසීමට ලක්වූවේය.
මේ ජයග්‍රහණයත් සමඟ ශ්‍රී ලංකා පිල ලෝක පාපන්දු ශ්‍රේණිගත කිරීමේ 199 වැනි ස්ථානය දක්වා උසස්වීමක් ලබා ගෙන ඇති අතර ශ්‍රී ලංකාව හා යේමනය අල්-කෝර් ක්‍රීඩාංගණයේදී හෙට (19) නැවතත් දෙවැනි තරගයේදී හමුවීමට නියමිතය.
