ලංකා සතොස ආයතනයේ සේවකයින් ඔවුන්ගේ නිල රාජකාරීවලින් ඉවත් කර දේශපාලන කටයුතු වලට යෙදවීම තුළින් රජයට පාඩු සිදු කළේ යැයි චෝදනා කරමින් හිටපු අමාත්‍ය ජෝන්ස්ටන් ප්‍රනාන්දු ඇතුළු විත්තිකරුවන් තුන් දෙනෙකුට එරෙහිව ගොනුකළ තිබු නඩුව යළි විභාගයට ගෙන ඇත.
අල්ලස් කොමිසම වෙනුවෙන් ඉදිරිපත් කළ සාක්ෂිකරුගෙන් සාක්ෂි සටහන් කර ගැනීම සිදුකළ අතර අනතුරුව වැඩිදුර විභාගය ලබන (13) වනද‍ා දක්වා කල් තැබීමටත් එදින සාක්ෂිකරුවන්ගෙන් විත්තිය නීතිඥවරු විසින් හරස් ප්‍රශ්න විමසීමට විනිසුරුවරයා නියෝග කර ඇත.
2012 වසරේ සතොස ආයතනයේ සේවකයින් නිල රාජකාරී වලින් ඉවත්කර දේශපාලන කටයුතුවල යෙදවීම තුළින් රජයට පාඩුවක් සිදු කළේ යැයි චෝදනා කර හිටපු අමාත්‍ය ජොන්ස්ටන් ප්‍රනාන්දු, එම ආයතනයේ හිටපු සභාපති එරාජ් ප්‍රනාන්දු සහ එහි ක්‍රියාකාරී අධ්‍යක්ෂ මොහොමඩ් සාකීර් යන අයට එරෙහිව අල්ලස් කොමිසම විසින් මෙම නඩුව ගොනු කර ඇත.
