2024 කාන්තා කැරිබියන් ප්‍රිමියර් ලීග් තරගාවලියේ ට්‍රින් බැගෝ නයිට් රයිඩස් කණ්ඩායමට ක්‍රීඩා කිරීමේ අවස්ථාව ශ්‍රී ලංකා ඉදිරි පෙළ පිතිකාරිණි හර්ෂිතා සමරවික්‍රමට හිමිව තිබෙනවා.ඒ, එම කණ්ඩායම නියෝජනය කරන මෙග් ලැනින් ආබාධයකට ලක්වීම හේතුවෙන්.
ඒ අනුව, හර්ෂිතා ශ්‍රි ලංකා නායිකා චමරි අතපත්තුට පසුව එතෙර ලීගයකට සහභාගි වූ දෙවැනි ශ්‍රී ලාංකික ක්‍රිඩිකාව ලෙස වාර්තා අතරට එක්වනවා.
මෑත කාලයේදී කාන්තා ක්‍රිකට් පිටිය තුළ හර්ෂිතා ඉහළ රිද්මයකින් පසුවන පිතිකාරිණියක් වන අතර ඇය විස්සයි20 තරග 65කදී ලකුණු 1463 ක් ලබාගෙන ඇත්තේ 99.72ක ප්‍රහාරාත්මක වේගයක් රදවා ගනිමින් වීම විශේෂත්වයක්.
