දේපල සඳහා කුලී සහ කල්බදු ගිවිසුම්වලට අදාළ මුද්දර ගාස්තුව 100% කින් වැඩිකිරීමට රජය තීරණය කර තිබේ . ඒ , අප්‍රේල් 1 වැනි දින සිට බලපැවැත්වෙන පරිදිය . 2006 සිට මෙම මුද්දර ගාස්තු කාණ්ඩයේ පළමු සංශෝධනය මෙය වන්නේය.
අදාළ ගැසට් නිවේදනයකට අනුව, සංශෝධිත ගාස්තු ව්‍යුහය ලබන මස මුලදී ක්‍රියාත්මක වන බව මුදල් අමාත්‍යාංශය තොරතුරු වාර්තා කරයි. ඒ අනුව, සම්පූර්ණ කුලී කාලය සඳහා අධිභාරය ඇතුළුව මුළු කල්බදු හෝ කුලී ගිවිසුමේ සෑම රුපියල් 1,000 ක් හෝ එහි කොටසකටම මුද්දර ගාස්තුව රුපියල් 10 සිට 20 දක්වා වැඩිකෙරේ.
