කිසියම් අපරාධයකට සැරසෙමින් සිටි සංවිධානාත්මක අපරාධකුවකු වන කරන්දෙණියේ සුද්දාගේ ගෝලයෝ තිදෙනෙක් ස්වයංක්‍රීය පිස්තෝල අවියක්, කඩු 03 ක්, හෙරොයින් හා ගංජා සමග පොලිස් විශේෂ කාර්ය බළකාය විසින් අත්අඩංගුවට ගනු ලැබූහ.
මෙසේ අත්අඩංගුවට ගෙන ඇත්තේ හික්කඩුව, රනාල හා ගාල්ල යන ප්‍රදේශවල පදිංචි වයස අවුරුදු 29,33,45 පසුවන පුද්ගලයන් තිදෙනෙකි.
එහිදී කිසියම් අපරාධයක් සිදුකිරීමට සදහා සැකකරුවන් සන්තකයේ තබාගෙන සිටි ඉතාලියේ නිෂ්පාදිත මිලිමීටර් 9 වර්ගයේ ස්වයංක්‍රීය පිස්තෝල අවියක්, මැගසින් 01 ක්, කඩු 03 ක්, හෑස් ඔයිල් ග්‍රෑම් 36 යි මිලි ග්‍රෑම් 10ක්, වියළි ගංජා ග්‍රෑම් 205 ක්, හෙරොයින් ග්‍රෑම් 16 මිලි ග්‍රෑම් 120 ක් සමග ජංගම දුරකථන 04 ක්ද පොලිස් විශේෂ කාර්ය බළකාය භාරයට ගෙන ඇත.
මෙම සැකකරුවන්ගෙන් සිදුකළ ප්‍රශ්න කිරීමේදී අනාවරණය වී ඇත්තේ මොවුන් සංවිධානාත්මක අපරාධකුවෙකු වන කරන්දෙණියේ සුද්දා යන අයගේ ගෝලයන් බවය.
අත්අඩංගුවට ගත් සැකකරුවන් වැඩිදුර විමර්ශන සදහා ගෝනපීනුවල පොලිස් ස්ථානය වෙත භාර දී ඇත.
