නැඟෙනහිර ජර්මනියේ ලයිප්සිග් නගරයට නුදුරින් අධිවේගී මාර්ගයක අධි සුඛෝපභෝහි බස් රථයක් අනතුරට ලක්වීමෙන් පස් දෙනෙකු මිය ගොස් තවත් පිරිසක් තුවාල ලැබූ බව පොලීසිය පවසනවා.
ප්‍රාදේශීය මාධ්‍ය වාර්තා කළේ බර්ලින් සිට මියුනිච් දක්වා ඇති මෙම අධිවේගී මාර්ගයේ දී මෙම රථය පෙරලී ගොස් ඇති බවයි.
සිදුවූ බරපතල අනතුරෙන් පුද්ගලයන් කිහිප දෙනෙකු මාරාන්තික තුවාල ලබා ඇති අතර, ගිලන්රථ සහ හෙලිකොප්ටර් එම ස්ථානයට පැමිණෙමින් සිටින බව සඳහන්.
මේ වන විට මියුනිච් දෙසට ඇති මාර්ගය වසා දමා ඇති බවයි පොලීසිය පවසන්නේ.
සිදුවූයේ කුමක්දැයි සොයා බැලීමට හදිසි සේවා සමඟ කටයුතු කරමින් සිටින බව සේවා සැපයුම්කරු Flixbus පවසන අතර බර්ලිනයේ සිට සූරිච් දක්වා ගමන් කරමින් තිබූ මෙම අධි සුඛෝපභෝහි බස් රථයේ මගීන් 53 දෙනෙකු සහ රියදුරන් දෙදෙනෙකු ගමන් කර තිබෙනවා.
