බූස්ස අධි ආරක්‍ෂිත බන්ධනාගාරය තුළට හොර රහසේ ජංගම දුරකථන උපාංග රැගෙන ඒම වැළැක්වීම සඳහා ශරීර ස්කෑනර් යන්ත්‍ර භාවිත කිරීමට බන්ධනාගාර නිලධාරීහු සැලසුම් කර ඇතැයි වාර්තා වේ.
බූස්ස බන්ධනාගාරය තුළ විශේෂ කාර්ය බළකාය (STF) විසින් වරින්වර පරීක්‍ෂා සිදු කළද තවමත් හොර බඩු ඒ තුළ පවතින බව බන්ධනාගාර දෙපාර්තමේන්තු මාධ්‍ය ප්‍රකාශක සහ බන්ධනාගාර කොමසාරිස් (මෙහෙයුම්/බුද්ධි) ගාමිණී දිසානායක මහතා පැවසීය.
පසුගිය සතියේ බූස්ස අධි ආරක්‍ෂිත බන්ධනාගාරය තුළ තිබී ජංගම දුරකථන චාජර් සහ ඩේටා කේබල් හමුවීමත් සමඟ මෙම අදහස් පළකිරීම සිදුව ඇත.
