හන්තාන කන්ද තරණය කරමින් සිටියදී අතරමං වුනු කොළඹ සහ කිරිබත්ගොඩ ප්‍රදේශයෙන් පැමිණි පාසල් සිසුන් පිරිසක් ගැන පොලිස් හදිසි ඇමතුම් ඒකකයට ලද තොරතුරක් මත පොලිසිය සහ යුද හමුදාව එක්ව මහත් පරිශ්‍රමයක් දරා ඔවුන් බේරාගෙන තිබෙයි
මේ දිනවල පාසල් නිවාඩු කාලය බැවින් කොළඹ සහ කිරිබත්ගොඩ ප්‍රදේශයේ දස දෙනෙකුගෙන් යුත් වයස අවුරුදු 16-17 වයසේ පාසල් සිසුන් කණ්ඩායමක් ඊයේ (04) පෙරවරුවේ පේරාදෙණිය පොලිස් වසමේ සරසවිගම ප්‍රදේශයෙන් හන්තාන කන්ද තරණය කොට ඇති අතර සවස 6.00 පමණ වන විට අධික මීදුම සහ සීතල හේතුවෙන් සිසුන් කිහිප දෙනෙකුගේ කෙන්ඩා පෙරළි ගමන් මාර්ගය සොයා ගැනීම අපහසු වී තිබෙයි.
පසුව එම සිසුන් පොලිස් හදිසි ඇමතුම් ඒකකයට දැනුම් දීමෙන් පසු පොලිසිය සහ දෙවැනි සිංහ රෙජිමේන්තුවේ සොල්දාදුවන් එක්ව මහත් පරිශ්‍රමයක් දරා අද (05) අලුයම් කාලයේ සරසවිගම ප්‍රදේශයෙන් එම සිසුන් ආරක්ෂිතව රැගෙන විත් ඇත.
